Nahatagan naman kahigayunan ang ginatos ka Roxasnon nga makapangita sang trabaho sa ginhiwat naton nga Mid-Year Job Fair paagi sa aton Public Employment Service Office (PESO) kaupod ang DOLE kag DILG.
17 ka local kag international companies/employers ang nagpasakup sa aton job fair. Naghatag man sang ila serbisyo ang 8 ka mga National Government Agencies nga ginlakipan sang DTI, TESDA, NBI, SSS, Department of Migrant Workers, OWWA, PSA kag PHILHEALTH.
Ang Mid-Year Job Fair ginpatigayon naton agud mahatagan opurtunidad ang mga bag-o nga graduate nga makapangita sang trabaho nga indi na kinahanglan magkadto sa iban nga lugar.
Naghatag sang suporta sa aton aktibidad si DOLE Provincial Director Joselito Dela Banda, TESDA Capiz Provincial Director Rick Abraham kag aton kasimanwa nga si Paolo Roxas.
