Nagtambong kita sa Provincial Assembly sang PCL-Capiz nga ginapangunahan ni City Councilor / Ex-Officio Board Member Atty. Paul Baticados. Diri nangin kaupod naton si anay Senate President Vicente Tito Sotto III, Governor Fredenil Oto Castro, Paolo Roxas, Vice Governor Mitang Magbanua, Board Member Thea Faith Reyes kag iban pa naton nga opisyales sa kabanwahanan.
Aton gid ginakilala ang daku nga papel kag kontribusyon sang aton mga konsehal sa maayo nga pagpadalagan sang lokal nga pangginobyerno.
Sa Roxas City, sa nakaligad nga mga tinuig may mga tion nga indi nangin madali ang implementasyon sang aton programa apang bangud sa bulig kag kooperasyon sang mga miyembro sang konseho nangin madinalag-on kita nga masiguro nga sa tion sang krisis kag pandemya WALA GUTOM SA ROXAS CITY. Tayuyon ang distribusyon sang bugas kag nakahatag kita sang seguridad sa pagkaon sa pumoluyo.
Paagi sa aton mga City Councilors napasar ang ordinansa nga naga-Institutionalize sa aton Food Assistance Program, ang “Bugas Para sa Taga Roxas.” Ini nagapamatuod nga kon kita ululupod nga nagatrabaho tanan sarang naton malampuwasan.
