Sa 2025 lauman sang tanan ang madamo nga proyekto para sa bilog nga Roxas City.
Gin-aprubahan na sang aton City Development Council ang aton 1.021 Billion Pesos nga 2025 Development Fund nga amo ang 26% sang aton National Tax Allotment. Ini nga pondo magkadto sa madasig nga konstruksyon sang bag-o nga Roxas City Hall nga mangin legacy project naton para sa pumoluyo, suporta sa mga programa, proyekto kag aktibidad sang kabarangayan kapareho sang pagpatindog sang Barangay/Multipurpose Hall, pagpakaayo sang dalanon, drainage system, Sanitary Landfill, Baybay Beach Redevelopment Phase II kag madamo pa.
Gin-aprubahan man sang CDC ang 2025 Annual Investment Program sang syudad nga nagalab-ot sa PHP 13,695,728,000.
Ini nga pondo ginbug-usan sang aton P1.435 Billion Pesos nga Local Fund lakip na ang LDRRM Fund, GAD Fund, SEF Fund kag iban pa. Ang P12.160 Billion pagapangitaon naton sa External Source.
Dugang pa sa aton gin-aprubahan ang 2024 Supplemental Annual Investment Program kag DOST Funded Programs.
Pinakaimportante sa tanan amo ang pagpadayon sang aton Food Security Program, ang Bugas para sa taga-Roxas, pagbulig sa nagakinahanglan paagi sa AICS, DRRM Program, improvement sa Dinggoy Roxas Civic Center, Transport Terminal, pagpalapad sang Libas Fishing Port, Housing Projects kag madamo pa.
Kita nagapasalamat sa aton mga katapo sang City Development Council sa padayon nga pagsuporta sa aton mga programa. Makasalig kamo nga ang tanan nga aton ginahimu para sa kaayuhan sang syudad kag sa katumanan sang aton handum nga BIGGER, BETTER, kag BRIGHTER Roxas City.