Ang Passport on Wheels Program sang Department of Foreign Affairs sa Roxas City kaupod ang Roxas City LGU nangin madinalag-on gid. Paagi sini 827 ka aplikante ang naaprubahan sa ila aplikasyon kag renewal sang passport.
Aton gid ginpaabot ang pagpasalamat sa DFA – Office of the Consular Affairs sa sini nga programa nga nakabulig sang daku sa aton mga kasimanwa. Sang nagligad nga Setyembre 16 opisyal naton nga ginpadala ang sulat pakadto kay DFA Assistant Secretary – Department of Legislative Liaison Unit Adrian Bernie Candolada nga nagahingyu nga kon posible magbutang sila diri sang DFA Roxas City Branch nga maga- facilitate sang passport applications kag renewal sa Roxas City. Paagi sini indi na mangabudlay biyahe sa malayo nga lugar ang taga-Roxas City kag Capiz agud makaproseso sang ila kinahanglan nga passport.
Positibo kita kag daku ang paglaum sa maayo nga pagbaton sang DFA sa aton request.
