Sunod nga tuig na kada birthday ko nga wala gid palya ang akon City Hall Family sa pag-surpresa sa akon. Batyagan ko gid ang inyo pagpalangga kag apresasyon. Salamat… Salamat gid sa inyo…
Ako nagapasalamat man sa mga kaupdanan naton sa Sangguniang Panlungsod sa pagpanguna ni Vice Mayor Inday Teresa Almalbis nga nangin mabakud naton nga partner sa implementasyon sang aton prayoridad nga mga programa. Sa aton mga Barangay Kapitan kag opisyales nga naghatag gid tiyempo agud magtamyaw kag mag-upod sa aton selebrasyon.
Gusto ko kamo tanan pasalamatan. Bangud sa inyo kooperasyon, suporta kag mahugod nga pagtrabaho sa sulod sang 5 ka tuig natuman ang mga handum naton para sa Roxas City.
Panibag-o nga regalo sang kabuhi ang aton naangkon kag ini ginapasalamatan ko gid sa aton Mahal nga Diyos. Saligan ninyo nga padayon kita nga magatrabaho para sa aton kasimanwa kag para sa Bigger, Better kag Brighter Roxas City.
-MAYOR RONNIE DADIVAS
