Sang nagliligad nga mga binulan, indi gid maayo ang sitwasyon sang aton mga fish vendors nga nagabaligya sa Burgos Street bangud sang pag-inulan. Naghingyu sila nga kuntani maplastar man sila sa maayo kag komportable nga baligyaan.
Gin-meeting naton sila kaina kaupod ni City Councilor Bords Viterbo kag City Councilor Federico Acepcion para sa ila nga pagsaylo. Nagdesisyon kita nga ibutang sila sa nahamtangan sadto sang meat section sa TATC kag base sa amon pag-istorya paborabli gid ini sa ila pagbaligya.
“Salamat gid kay Mayor sa pagplastar sa amon nga mga fish vendors. Maayo na diri ang amon sitwasyon sa TATC. Indi na kami mabasa sa ulan. Tinuig na guid nga handum man naton nga makabaligya sa insakto nga merkado,” siling sang isa ka fish vendor
