“Education is the greatest equalizer.”
Kon ikaw nakabaton sang maayo nga edukasyon, kon makatapos ka sa pagtuon, daku ang tsansa nga makaangkon ka sang maayo nga palaabuton.
Subong nga adlaw, gin-updan naton ang kasadya sang mga iskolar sang Roxas City sa pagbaton sang ila Tuition Assistance, Stipend kag Book Allowance sa 1st Semester halin sa gobierno sang syudad pinaagi sa Upod Kita Scholarship Program.
Ini nga mga iskolar naga-eskwela sa pampubliko kag pribado nga eskwelahan sa Roxas City kag iban nga probinsya. Kalakip sa aton gintugyan ang educational assistance para sa 200 ka estudyante sang St. Joseph Vocational and Technical Training & Assessment Center Inc. kag financial assistance para sa 12 ka Project PAGTATAP (Participatory Action Geared Towards the Attainment of Teen’s Aspirations for Progress) halin sa isla sang Olotayan.
Handum ko ang kadalag-an sini nga kabataan sa propesyon nga ila ginpili. Padayon lang sa pagbakas sa pagtuon asta makatapos kamo sa pag-eskwela. Kalipay namon nga makit-an ang pag-ayo sang inyo kabuhi kag pamilya.
Ginapasalamatan ko ang bug-os nga suporta sang akon mga kaupdanan sa konseho sa aton scholarship program sa pagpanguna ni Vice Mayor Inday Teresa Almalbis kag ni Paolo Roxas nga aktibo nga nagasuporta kag nagabulig sa pagpaayo sang kalidad sang edukasyon paagi sa iya Paolo Roxas Konek Free School Internet Program.
Kaupod naton nga nagtambong sanday City Councilor Paul Baticados, Council JP Arcenas, Councilor Kap Rey Magallanes, Councilor Earl Sical kag anay konsehal Midelo Ocampo subongman DepEd Roxas City Division Superintendent Dr. Roel Bermejo, Rev. Fr. Gybbyn Gumban kag iban pa nga katapo sang DepEd.
-MAYOR RONNIE DADIVAS
