Yanda nga adlaw nahatagan na katumanan ang aton handum nga mangin LGU IT-BPM Contact Training Center ang aton Roxas City Digital Innovation Hub. Gin-award na sa aton sang TESDA ang Technical Vocational Education and Training (TVET) Certificate of Program Registration.
Paagi sini makahatag kita sang training sa mga estudyante agud mahanas ang ila abilidad sa patag sang IT BPO. Para mas madasig ang ila pagsulod sa trabaho kag mangin bastante ang aton manpower sa mga call center. Ini nagakahulugan sang dugang nga trabaho, daku nga kita kag masanyog nga ekonomiya sa syudad.
Ang TVET Certification ang gintugyan ni TESDA Capiz Provincial Director Rick Abraham kag ila ginpasalig nga sila magahatag sang bulig para sa umpisada sang aton training programs.
Kaupod ko nga nagtambong sini nga aktibidad sanday City Councilor Victor Federico Pip Acepcion, Roxas City PESO Manager Caroline Dadivas, Roxas City DepEd Officials kag City Government Department Heads.
-MAYOR RONNIE DADIVAS
