Subong nga aga ginpatigayon ang Send-off Ceremony sa pagpamuno ni Mayor Ronnie Dadivas kaupod si City Councilor Atty. Gary Potato para sa mga kapulisan kag force multipliers nga magamentinar sang kalinong kag katawhay sang Roxas City sa walo ka adlaw nga selebrasyon sang SINADYA FESTIVAL 2024.
Ginatos ka kapulisan sa bilog nga probinsya sang Capiz kag mga contingents ang maga-augment sa pagbantay sang seguridad sa pangkabug-usan nga okasyon.
Kita nagapasalamat gid kay PLTCOL Lumyaen Lidawan Chief of Police Roxas City Police Station, sa mga katapo sang Philippine Maritime Police, Capiz Provincial Police Office, Provincial EOD Canine Unit (PECU) Philippine Coast Guard, Bureau of Fire Protection, Red Cross, Highway Patrol Group, Phil. Aviation, Guardian,Bantay Bayan, Kabayan, Rescue Ranger, TMU, CDRRMO, kag iban pa sa ila suporta agud masiguro ang kaluwasan, kasadyahan kag kadalag-an sang okasyon nga wala sang sin-oman nga mabutang sa peligro.
Ang paghatag sang bindesyon sa mga security forces ginpangunahan ni Very Rev. Father Edzel Delfin.
