Roxas City, aton na umpisahan ang pagtukod sang aton New City Hall sa Pueblo de Panay!
Isa ini ka panibag-o nga milestone sa aton padayon nga paghatag katumanan sa handum nga BIGGER, BETTER & BRIGHTER ROXAS CITY.
Subong nga adlaw Disyembre 1, ginpatigayon ang Groundbreaking Ceremony sang pagatukuron nga Roxas City Hall kadungan sang selebrasyon sang Sinadya Festival. Simbolo sang padayon nga pag-umwad sang syudad kag paghatag sang mas maayo nga serbisyo sa pumoluyo. Ini proyekto sang pumoluyo sang Roxas City.
Salamat sa tanan nga nagbulig agud mangin realidad ini nga handum – Kay Governor Fredenil Oto Castro, Uswag Ilonggo Congressman Jojo Ang, Senator Loren Legarda, Mr. Paolo Z. Roxas, Mr. Jose Nery Ong kag Pueblo de Panay, sa tanan nga katapo sang Sangguniang Panlungsod sa pagpamuno ni VM Inday Teresa H. Almalbis kag sa aton Roxas City Government Family nga kaupod ko sa pag-handum kag paghatag katumanan sining proyekto nga sadto abi sang iban imposible kag damgo lang.
Salamat labi sa tanan, sa inyo mga palangga ko nga pumoluyo.
Kamo ang akon inspirasyon, kamo ang rason kon nga-a wala untat ang amon pagtrabaho para mangin Bigger, Better and Brighter ang Roxas City.
-MAYOR RONNIE DADIVAS
