Sa Bisperas sang Kapistahan sang Birhen Immaculada Concepcion isa ka Misa ang ginhiwat sa Cathedral sa pagpanguna ni Vicar General Regie Pamposa. Ginsundan ini sang tradisyunal nga paghiwat sang Prusisyon sa Suba, Halad sang Kapawa River Floats kag Koronasyon sang Birhen nga aton ginpatigayon kaupod ang aton Musa dela Immaculada Justine Selena Azarcon.
Gin-updan man naton ang Marcha dela Immaculada sa pagdul-ong sang imahen sang Mahal nga Birhen sa simbahan.
Kita nagapasalamat gid sa aton patron sang Immaculada Concepcion sa wala tupong nga pagpalangga, grasya, bugay kag pag-ubay sa Roxas City.
