Antes magtakup ang tuig luyag namon i-report sa inyo ang hinimuan sang aton Public Employment Services Office (PESO) Roxas City agud makabulig nga makapangita sang maayo nga trabaho kag kita ang aton pumoluyo.
Ginakalipay ko nga sa bilog nga tuig 2024 linibo ka kabuhi ang aton nabuligan nga magbag-o kag nahatagan paglaum sa masanag nga buas-damlag lakip diri ang masobra 7,000 nga nakasulod sa trabaho paagi sa ginpatigayon nga job fairs kag special recruitment activity; mga ginhatagan sang libre nga TESDA Training, Career Advocacy Recruitment Coaching, kapin 6,000 TUPAD Beneficiaries, SPES, Passport on Wheels, OFW Help Desk, DOST-Siyensyaportunidad kag madamo pa.
Luyag ko pasalamatan ang mga katapo sang PESO Roxas City, ang BEST PESO OFFICE sa Region 6 sa ila pagtimakas, kahugod kag dedikasyon sa trabaho. Kay kami nagapati nga kon madamo ang trabaho, nagadaku ang kita, mas magaumwad ang aton ekonomiya.
-MAYOR RONNIE DADIVAS
