Sa Miyerkules Santo, Abril 16, 2025 ginpakamaayo naton nga i-obserbar ang Work from Home nga arrangement sa Roxas City Government umpisa 8am asta 12pm kag suspensyon sang trabaho pagkahapon. Ini base sa Memorandum Circular No. 81 series of 2025 nga ginpapanaug sang Office of the President.
Luyag naton nga mahatagan sang nagakaigo nga tion ang aton mga empleyado sa gobierno sang syudad nga makabiyahe pauli sa ila lugar agud makapamalandong sa Huwebes kag Biyernes Santo.
Magapabilin naman sa ila nakaandan nga operasyon ang aton mga Frontline Service Providers sa pagdul-ong sang basic kag health services, disaster preparedness/response kag iban pa nga nagaperform sang importante nga serbisyo.
Sa pribado nga sektor, ginatugyan naton sa inyo nagkatuhay nga management ang diskresyon sa pagsunod sini nga memorandum.