Pormal nga nagbukas ang University of Perpetual Help System – Pueblo De Panay Campus. Ang inagurasyon ang ginpangunahan ni Dr. Arcadio Tamayo, UPHS Vice Chairman kag Mr. Jose Nery Ong, President and CEO Pueblo De Panay Inc. kag gin-updan ni Vice Mayor Inday Teresa Almalbis.
Ang pagbukas sang UPHS isa ka milestone sa edukasyon sa Roxas City kag Capiz nga may tinutuyo nga mapalapad kag mas mapaayo ang kalidad sang edukasyon sa probinsya. Preparasyon in agud mahatagan sang madamo nga opurtunidad ang mga kabataan nga nagahandum makatrabaho sa mga high-growth industries kaangay sang Health Care kag Information Technology.
Ang gobierno sang syudad padayon nga nagasuporta sa mga inisyatibo sang pampubliko kag pribado nga sektor nga nagahatag sang madamo nga oportunidad kag access sa edukasyon.
