Dugang nga MOLNUPIRAVIR nag-abot na sa ROXAS CITY!
Sang nagligad nga Disyembre, aton na na-antisipar ang posible nga pagtaas sang kaso sang CoVid-19 pag-abot sang Enero kag wala guid kita mag sala.
Paubos na ang una nga batch sang Molnupiravir Anti-CoVid-19 Pill nga aton guinpreparar. Sa maayo nga palad, wala pa man maubos ang aton suplay NAG-ABOT na ang 2ND BATCH nga aton guin-order.
20,000 tablets na ini, doble sa 10,000 nga una naton guinbakal.
Gani makasiguro kita nga apisar nagtaas ang kaso may naka-standby na kita nga bulong sa CoVid nga LIBRE nga guinahatag sa mga taga Roxas City nga pasyenti nga yara sa aton CoVid-19 treatment facility. Sila man dapat na-assess nga sulod sa criteria sang aton mga City Health Office Doctors, may MILD TO MODERATE nga mga sintomas.
