Una nga adlaw sang Orientation-Workshop sang Roxas City Government sa pagbalay sang Executive-Legislative Agenda (ELA) kag Capacity Development Agenda.
Sa sini nga hilikuton nga gina-facilitate sang DILG magkaupod ang Executive Department nga aton ginapangunahan kag Legislative Department (Sangguniang Panlungsod) sa pagpamuno ni Vice Mayor Inday Teresa Almalbis, Department /Unit Heads, PNP, BFP kag iban pa nga sektor sa pagdihon kag pag-share sang mga ideya kon paano naton padalaganon ang syudad sa masunod nga tatlo ka tuig.
Kadungan sini akon pormal nga ginpresentar ang priority development programs sang aton administrasyon nga igapatuman subong nga tuig santu sa aton tinutuyo nga paghatag sang Level Up nga serbisyo para sa BIGGER, BETTER, BRIGHTER Roxas City. Isa ka syudad nga manami istaran, maayo ang pangabuy-anan, matinlo kag progresibo.
Lakip sa mga proyekto nga ini amo ang TATC Redevelopment, konstruksyon sang Bagsakan Center, Peoples Park Redevelopment, pagpadayon sang Bugas Para sa Taga-Roxas, Road Network Development kag madamo pa.
Nagapasalamat kita nga sa umpisa pa lang nagpaabot na sang bug-os nga suporta ang Sanggunian sa aton mga developmental programs.
-MAYOR RONNIE DADIVAS
