Akon gid ginapasalamatan ang Capiz Provincial Government sa pagpamuno ni Gov Fredenil Oto Castro kag Gerry Roxas Foundation nga ginrepresentar ni Paolo Roxas, ang anak ni anay Senador Mar Roxas sa pag-ulingag sa mga REGISTERED shellfish growers (manugpanginhas) sang Roxas City nga apektado na naman sang Red Tide.
Kaina, ila gintugyan sa 600 ka manugpanginhas halin sa coastal barangays sang syudad ang food packs nagikan sa probinsya kag GRF agud masiguro nga samtang ginadumilian pa ang pagkuha sang panginhason, may makaon ang ila pamilya.
Sila man ang napili nga mangin benepesaryo sang DOLE-TUPAD Program agud may ara sila sang alternatibo nila pangabuy-anan samtang nagahulat nga madula ang Red Tide.
“Naapresyar gid namon ang pag-ulingag ni Gob. Oto, Mayor Ronnie, GRF kag Toto Paolo sa amon sitwasyon. Nalipay kami nga bisan ari kami diri sa dalum nadumduman nila kami nga buligan. Magutuman gid amon pamilya kon wala sang magabulig kag magdugay pa ang Red Tide,” sunu kay Manong Dodoy, manugpanginhas sa Barra.
Kaupod man naton sa distribusyon sanday Vice Governor James Magbanua, Board Member Thea Faith Reyes, Board Member Trina Almalbis, Vice Mayor Inday Teresa Almalbis kag mga katapo sang Sangguniang Panlungsod sang Roxas City.
-MAYOR RONNIE DADIVAS
