Kapareho sang aton ginpasalig sa 103 ka pamilya nga nasunugan sa Barangay 7, INDI NATON SILA PAGPABAY-AN, gani subong nga aga kaupod ang DSWD kag USWAG Ilonggo Party-list aton gintugyan ang dugang nga bulig para sa amat-amat nila nga pagbangon.
Ang City Government naghatag sang inisyal nga bulig-pinansyal sa kada pamilya nga sarang nila magamit sa ila gastos sa pang-adlaw adlaw samtang yara sila sa evacuation center.
Si Congressman Jojo Ang sang USWAG Ilonggo Partylist kag DSWD nga ginrepresentar ni Asst. Reg’l Director for Admininstration Joselito Estember madasig nga nagdala sang food packs kag mga non-food items nga ginlakipan sang Family Kits, Hygiene Kits, Sleeping Kits kag Kitchen Kits. Sila magahatag pa gid sang bulig-pinansyal sa mga biktima.
Salamat DSWD Sec. Rex Gatchalian kag Uswag Ilonggo Partylist Congressman Jojo Ang sa pag-ulingag sa mga biktima sa tunga sang pagtilaw nga ila ginaatubang.
