Daku gid ang akon kalipay nga subong nga adlaw linibo naman naton nga kasimanwa sa Roxas City ang nakabaton sang AKAP (Ayuda Para sa Kapos ang Kita Program) nga ginpatigayon ni Paolo Roxas.
Sila mga benepesaryo halin sa nagkalain-lain nga sektor nga adlaw-adlaw nagabakas gid kag nagapangabudlay agud mabuhi ang ila pamilya, mga barbero, manugbaligya, manugpanginhas, delivery riders, sales lady/sales boy, security guards kag madamo pa nga gamay gid ang kita.
Salamat gid Paolo, President Bongbong Marcos, House Speaker Martin Romualdez kag Congressman Tawi Billones sa pag-ulingag sa Roxasnon.
-MAYOR RONNIE DADIVAS
“Na-surpresa gid ako nga may ayuda gali kami nga mabaton. Subong lang gid ko kaeksperyensya sa akon kabuhi nga may pinansyal nga nagaabot nga wala ko man ginpangayo. Pasalamat gid ko ya kay toto Paolo Roxas kay natalupangdan nya kami. Daku ni nga bagay sa akon kay bisan isa ka semana ko nga tilang talaba, indi ko gid ni makita,” siling ni Tay Ernie.