Ginlunsar subong sang Angat Buhay ang Angat Bayanihan Volunteer Network sa Capiz sa pagpanguna ni Angat Buhay Chairperson Atty. Leni Robredo kag aton kasimanwa nga si Ms. Judith Azarcon Marquez, Chairperson sang One Capiz Volunteer Group.
Ang Angat Bayanihan amo ang Volunteer Program sang Angat Buhay para sa mga gusto maghatag ukon magpakigbahin sang ila oras, talento, boluntaryo nga bulig kag serbisyo sa aton kasimanwa labi na sa tion sang kalamidad kag emerhensya.
Ginrepresentar ako sang akon misis nga si Joanne sa Angat Bayanihan Launching agud ipaabot ang pagpasalamat sang syudad sa tanan nga indibidwal sa likod sini nga Volunteer Netwotk nga mangin isa man sa katuwang sang aton gobierno sa pagbulig sa nagakinahanglan.
