Antes ang pormal nga pagbukas sang Sinadya, aton na gin-inagurahan ang bag-o nga Elevator sa City Hall.
Kaina ginpatigayon ang Blessing and Ribbon Cutting Ceremony agud opisyal na ini nga maka-operate. Indi na mabudlayan sa pagsaka-panaug ang aton mga empleyado kag mga pumoluyo nga nagakadto sa City Hall labi na ang mga katigulangan kag PWD’s. Makabulig man ini sa pagpadasig sang aton serbisyo.
Ako nagapasalamat gid sa konseho sang syudad sa pagpamuno ni Vice Mayor Teresa Almalbis sa suporta agud mangin realidad ini nga proyekto kag sa aton mga department heads kag empleyado. Salamat man sa suporta sang aton kasimanwa Paolo Roxas nga mangin partner naton sa paghatag sang kalidad nga serbisyo sa palaabuton.
-MAYOR RONNIE DADIVAS
