Kahapon ginpatigayon sang Department of Education Roxas City Division ang Brigada Eskwela Kick-off sa Culasi Covered Gym nga may Tema “Bayanihan para sa Matatag na Paaralan.”
Paagi sini nga programa sang DepEd kag sa pagbinuligay sang mga ginikanan kag stakeholders mapreparar naton ang mga eskwelahan para sa aton kabataan sa pagbukas sang klase indi lang sa Culasi Elementary kag Culasi National High School kundi sa tanan nga eskwelahan sa bilog nga syudad.
Ang Brigada Eskwela Kick-off ginpangunahan nanday Roxas City DepEd Schools Division Superintendent Dr. Roel Bermejo, OIC- Assistant Schools Division Superintendent Samuel Malayo, Tessie Ortega Principal III, Culasi National High School. Nagrepresentar sa akon sa nasambit nga aktibidad si City Tourism Officer Bryan Marie Argos.
-MAYOR RONNIE DADIVAS
