Tinutuyo naton nga pabakuron ang mga layi kag pagsulundan nga nagahatag proteksyon sa aton dunang-manggad sa kadagatan. Kaina nagpatigayon na sang final review sang Revised Roxas City Fishery and Coastal Resource Management Ordinance kag New Coastal Zoning Plan ang mga katapo sang CFARMC kaupod ang aton City Agricultures Office, Sangguniang Panlungsod sa pagpanguna ni City Councilor Herbert Koks Chu, SP Chairperson-Committee on Fisheries and Aquatic Resources kag Vice Chairman City Councilor Rey Magallanes, mga magagmay nga mangingisda, BFARMC, PCG, DENR, Diwal Task Force kag iban pa.
Sentro sang sinapol ang pag-amyendar sang City Ordinance No. 016-2017 nga 10 na ka tuig nga wala mabandug kag ang bag-o nga coastal zoning plans. Pinaagi sini hugot naton nga maproteksyonan ang mga fish sanctuaries, marine protected areas, tourism zones, aquaculture kag mariculture zones, multi-purpose fishery zones, navigational zones bangud sa mga ilegal nga aktibidad kag pagpang-abuso.
