Gin-aprubahan sang City Development Council ang 2025 Supplemental Investment Program sang aton syudad lakip na ang 2026 Annual Investment Program kag Local Development Investment Program (LDIP) sa 2026-2028.
Ini kinahanglanon para sa implementasyon sang mga prayoridad naton nga proyekto umpisa subong asta sa masunod nga tatlo ka tuig nga ginlakipan sang pagpadayon sang Bugas para sa taga-Roxas, konstruksyon sang New City Hall, fishing port, pagpakaayo sang mga dalanon, programa sa ikaayong-lawas, proyekto nga makabulig pasanyog sa aton ekonomiya kag madamo pa.
Masaligan ninyo nga ginahimu gid naton ang tanan agud matuman ang aton handum nga Bigger, Better kag Brighter Roxas City.