Subong nga hapon sa ginpatigayon naton nga City Development Council Meeting amon gin-aprubahan ang Supplemental Investment Program sang Roxas City sa tuig 2025 nga ginlakipan sang aton Unappropriated Savings/Surplus sang 2024 kag LDRRM Fund.
Bangud sa aton pagkinot kag insakto nga paggastos sa pondo sang gobierno sang syudad, nakatipon pa kita sang savings nga aton gin-reprogram sa mga high impact projects, mga programa kag proyekto nga necessidad kag kinahanglanon gid sang pumoluyo.
Kabahin sa mga prayoridad naton subong nga tuig amo ang masunod:
- Padayon nga implementasyon sang BUGAS PARA SA TAGA ROXAS nga magasigurado nga wala gutom sa Roxas City
- Bulig sa mga nagakinahanglan, sa mga pamilya nga ara sa tion sang krisis
- Pagpatindog sang Annex Building sa luyo sang Civic Center
- Konstruksyon sang bag-o nga City Hall
- Pagpaobra sang mga Drainage kag pagpakay-o sang mga waterways/alagyan sang tubig agud malikawan ang baha
- Pagbakal sang mga bulong
- Pagdugang sang CCTV Cameras para sa masangkad nga pagbantay sang seguridad sa palibot sang syudad
- Pagpaobra sang mga pasilidad sa eskwelahan
- Probisyon sang Disaster Response kag rescue equipment para sa mas madasig nga pagresponde sa tion sang kalamidad
Ako nagapasalamat gid sa bug-os nga suporta sang aton Sangguniang Panlungsod, sa kay City Councilor Atty. Paul Baticados bilang SP Chairman sang Committee on Appropriations, sa aton mga Department Heads, Civil Society Organizations kag Barangay Officials nga kaupod naton sa pagplano kag pagsigurado nga ang pondo sang syudad magamit sang insakto kag ang mga programa naton nagatupa kag direkta nga mabatyagan sang pumoluyo. Masaligan nila nga sa tion sang pagkinahanglan ari kita magaalalay sa ila. Indi naton sila pagpabay-an.
-MAYOR RONNIE DADIVAS