Ang Local Disaster Risk Reduction and Management Council sang Roxas City nag-convene subong nga adlaw.
Amon ginhinalaan ang naeksperyensyahan nga tuman ka init nga panahon sa Roxas City sa magkasunod nga adlaw nga nagasaka sa 42°C.
Para sa interes kag proteksyon sang aton kabataan nga naga-eskwela lakip na sang mga manunudlo, nagdesisyon ang LDRRMC nga magpatuman sang suspensyon sang klase epektibo Marso 14 kag Marso 15, 2024.
Nakasugtan man sang konseho nga sa masunod nga inadlaw kon ang Heat Index sa Roxas City magasaka gihapon sa 40°C, otomatiko nga igapatuman ang suspensyon sang Face to Face nga klase kag magasaylo sa modular/blended learning.
Samtang gilayon naman nga magapanumbalik ang Face to Face Classes kon ang Heat Index Forecast magatapak sa 39°C panubo.
𝗦𝗮 𝗺𝗴𝗮 𝗖𝗼𝗹𝗹𝗲𝗴𝗲 𝗦𝘁𝘂𝗱𝗲𝗻𝘁𝘀, 𝗮𝗻𝗴 𝗱𝗲𝘀𝗶𝘀𝘆𝗼𝗻 𝘀𝗮 𝘀𝘂𝘀𝗽𝗲𝗻𝘀𝘆𝗼𝗻 𝘀𝗮𝗻𝗴 𝗸𝗹𝗮𝘀𝗲 𝘆𝗮𝗿𝗮 𝘀𝗮 𝗱𝗶𝘀𝗸𝗿𝗲𝘀𝘆𝗼𝗻 𝘀𝗮𝗻𝗴 𝗽𝗮𝗺𝘂𝗻𝘂𝗮𝗻 𝘀𝗮𝗻𝗴 𝗸𝗮𝗱𝗮 𝗸𝗼𝗹𝗲𝗵𝗶𝘆𝗼 𝗸𝗮𝗴 𝘂𝗻𝗶𝗯𝗲𝗿𝘀𝗶𝗱𝗮𝗱.
