Importante ini nga adlaw para sa aton bangud ang Comprehensive Land Use Plan/Zoning Ordinance sang Roxas City for 2021-2030 nga ginpangabudlayan nga balayon sang aton CLUP Team umpisa sang kita magpungko sang 2019 amon na ginpresentar para sa pag-Review sang Provincial Land Use Committee (PLUC).
Ang mangin komentaryo kag suhestyon sang PLUC kinahanglan agud maaprubahan ang 10-year Development Plan sang syudad kag masiguro nga ini insakto kag nagasunod sa layi. Tanan naton nga plano para sa isa ka Bigger, Better and Brighter Roxas City nakaangkla sini nga dokumento nga handum naton nga mapinalisar kag maaprubahan na agud mangin tayuyon kag diretso ang aton development direction.
Kaupod naton sa pag-atubang sa PLUC Review Meeting sanday City Councilor/Ex officio Board Member Atty. Paul Baticados kag ang aton team sa City Planning and Development Office sa pagpanguna ni CPDO Head Lorelei Piansay.
