SI RIZZA MAE BAES BALASA, TOP 8 SA CERTIFIED PUBLIC ACCOUNTANTS LICENSURE EXAMINATION
Sa 9,533 ka nagkuha sang CPALE kag 3,156 nga nakapasar siya kabahin sa nagapangibabaw sa ginakabig isa sa pinakamabudlay nga eksaminasyon kag siya nakakuha sang 89.67% nga rating.
Bugal sang Roxas, tumandok sang Sitio Pagutok, Cagay. Siya nag-graduate sa Filamer Christian University.
Sa pihak sang kabudlay sang pangabuhi, nagbakas gid si Rizza kay ang iya handum mahatagan sang maayo nga bwas-damlag ang iya pamilya. Siya Consistent Honor Student.
“Overwhelmed gid ako, wala ko gin-expect nga mangin topnotcher. Online review lang ako. Nagapasalamat gid ko sa tanan nga nagbulig sa akon nga matuman ang akon handum labi na sa akon ginikanan.”
Congratulations Rizza! Inspirasyon ka sang kada kabataan. Proud kami sa imo!