Nagbisita sa talatapan ni Mayor Ronnie Dadivas ang team sang Grab Philippines Regional Operations nga ginalakipan nanday Ms. Jo-ann Yoshida, Ms. Malou Inocando-Tabar, Ms. Therese Claire Vakon, kag Mr. Jose Rene Torremoro.
Gin-istoryahan sa ila nga pagbisita ang natalana nga launching sang ila Grab Food Services sa Roxas City kag koordinasyon sa PESO-Roxas City para sa patigayunon nga job recruitment activity sa July 30 tubtob August 1.
Isa man sa naistoryahan ang pag-expand sang Grab Car nga makahatag sang alternatibo nga transportasyon labi na sa kagab-ihon kag magaakomodar sa mga bisita kag nagabiyahe diri sa Roxas kag malayo nga lugar.
