Ang aton mga Barangay Tanod sa Roxas City daku gid ang kontribusyon sa pagmentinar sang kalinong kag katawhay sa kabarangayan kag implementasyon sang aton mga proyekto.
Bilang pagkilala sa ila boluntaryo nga serbisyo kag mga sakripisyo sa pagpulaw bugtaw para sa seguridad sang pumoluyo kita naghatag sang insentibo sa masobra 1000 naton ka Tanod.
Aton naman ginaasikaso ang paghatag sa ila sang life insurance umpisa sa masunod nga tuig agud sila aton man maproteksyunan.
