Kabalo ako sang panawagan sang madamo nga mga senior citizens sa Roxas City nga asta subong wala gihapon makasulod sa Social Pension nga programa.
Limitado lang gid ang aton alokasyon halin sa DSWD gani kami nagtinguha paagi sa available nga pondo sang aton syudad nga maamat-amat ang paghatag sang localized pension.
Gin-umpisahan na naton ini kag subong nga adlaw ginpatigayon ang pinakauna nga distribusyon sang Localized Social Pension sa una nga batch sang senior citizens sang Roxas City.
Una pa lang ini, masaligan ninyo nga padayon kita nga magatrabaho asta nga mabuligan nga makabaton pension ang kutob sa mga lolo kag Lola naton nga nagakinahanglan.
-MAYOR RONNIE DADIVAS