“If we work together for the City and if we focus all our efforts, energy and resources… we will achieve progress for Roxas City.“
Sa nakaligad nga duha ka termino, gintinguhaan naton nga mapatuman ang mga programa nga makabulig sa aton kasimanwa kag magadala sang progreso sa Roxas City. Madamo kita sang nalampuwasan nga pagtilaw. Basi gani sa Citizen Satisfaction Report 2024 nga ginpatigayon sang DILG kaupod ang Capiz State University nakaangkon kita High Satisfaction Rating nga 89.77% sa Citizen Satisfaction Index System. Nangin maayo ang aton performance kag ara kita sa insakto nga direksyon sa pagdumala sa syudad sa patag sang Ikaayong-lawas, Governance & Response, Environmental Management, Support to Education, Public Works and Infrastructure, Social Welfare Services kag Economic & Investment Promotion. Apang madamo pa kita sang kinahanglan himuon agud mag-ayo pa gid.
Ini nga mga accomplishment kag mga plano ginpresentar ko sa ginpatigayon nga Executive Briefing on State of the Local Governance. Salamat sa suporta sang aton Sangguniang Panlungsod, Department Heads kag mga Empleyado sa City Government subongman sa aton mga Partners kag Stakeholders. Ako nagapati nga kon kita updanay, may kolaborasyon kag nagabuligay matuman ang aton handum nga Bigger, Better and Brighter Roxas City.
-MAYOR RONNIE DADIVAS