Sa Kapistahan ni Sr. San Juan Bautista madamo sang ginpreparar nga aktibidad ang Barangay Council /SK sang Baybay sa kooperasyon sang Roxas City Government.
Isa ka pressconference ang ginpatigayon kaina agud ipaabot ang aton imbitasyon sa aton mga kasimanwa sa Roxas City kag Capiz nga makigbahin sa selebrasyon sang pagpasidungog kay Sr. San Juan kag promosyon sang aton Baybay bilang tourist destination.
Kalakip sa mga aktibidad ang Holy Mass, Fluvial Procession nga ginalauman nga pagapasakupan sang masobra 300 ka mga baroto nga pamaagi sang Baybayanon agud magpasalamat kag magpangamuyo sa bugana nga pangisda kag pangabuhi, Sadsad sa Baybay, Water Sports, Banda kag Fireworks.
Ang aton CDRRMO-RCERT, CERT , RC PNP, Philippine Coast Guard , Coast Guard Auxillary, Red Cross, City Health Office, Barangay, Volunteer Groups kag iban pa nga law enforcement units nakaalerto sa pagbantay agud mamentinar ang kalinong kag seguridad sa kabug-usan nga durasyon sang kapistahan.
Salamat sa mga organizers, Barangay Officials sang Baybay sa pagpanguna ni Kap. Erwin Oroceo, Sangguniang Panlungsod, kag iban pa nga kapartner naton sa pagpatigayon sang mga aktibidades sa Kapistahan ni San Juan de Bautista.
Panugod na ini sa aton pagtinguha agud himuon nga Tourism Magnet ang Baybay kag mangin masunod nga tourism destination sa Pilipinas.
