Sa ikaduha nga adlaw sang ginapatigayon nga Regional Museum and Heritage Summit 2024 sa Roxas City kabahin sa aktibidad ang Heritage Walk.
Ginbisita sang mga partisipante ang pila ka Historical Sites sa Roxas City, una diri ang balay ni Anay Presidente Manuel A. Roxas, Ancestral House ni Late Judge Alfonso Dadivas, Casa Barza Art Gallery sa Rizal Street, Roxas City Plaza kag Plantanan nga sadto isa anay ka planta.
Ini ginsundan sang sang panel discussion partikular sang paghimu sang Conservation Plan sa mga ginpabugal nga panublion, maragtas kag mga istorya sa aton syudad kag probinsya.
Kalakip sa naghatag sang Ila nga mga obserbasyon kag suhestyon amo sanday Jorell Legaspi, Deputy Director – General for Museum, National Museum of the Philippines, Toym Imao – Chairperson of UP Presidents, Committee on Culture and the Arts, Architect Paulo Alcazaren – Licensed Environmental Planner, kag Architect Carmen Bettina Silao-Bulaong, President Escuela Taller de Filipinas Foundation Incorporated.
