Ginakasubo naton ang natabo nga sunog sa Sitio Pagutok, Dayao nga nagtupok gid sa puluy-an nanday Daryl Igos, Erwin Hechanova, Libreto Francisco kag Meryl Sonio. Gilayon kita nga nagpadala sang inisyal nga bulig sa pamilya paagi sa aton CSWD. Ini ginlakipan sang mga nagapanguna nila nga kinahanglan pareho sang relief supplies, hygiene kits, kitchen kag sleeping kits. Aton man iproseso ang dugang pa nga bulig para sa pagbangon kag pagtukod sang ila puluy-an.
Gusto ko man hatagan apresasyon kag pasalamat ang mga kasimanwa naton nga nagpaabot sang bulig. Bisan wala sila nagpangayo apang ara kamo gilayon, nag-alalay agud mapamag-an ang kalisod nga ila nabatyagan.
-MAYOR RONNIE DADIVAS