IMPORTANT ADVISORY: Power Crisis in Panay Island

Apektado ang syudad sang Roxas sa kakulangan sang kuryenti nga na-eksperyensyahan sang bilog nga Panay Island halin pa sang Enero 2.

Ginpakamaayo naton sa Roxas City Government nga indi anay pagpasigahon ang mga non-essential lights kag power consuming devices agud makabulig kita distribute sang dugang nga suplay sang kuryenti sa mga nagakinahanglan nga lugar.

Nakig-angut na kita sa Capiz Electric Cooperative (CAPELCO) kag Department of Energy (DOE) agud hibaluon ang matuod nga sitwasyon sang power crisis kag mapaabot ang concerns sang pumoluyo.

Angut sini ginapangabay namon ang kooperasyon sang mga establisemento komersyal kag pumoluyo sa responsabli nga paggamit sang kuryenti agud mapasigahan ang iban nga lugar nga tubtob subong nagaantos gihapon sa brownout.

Para sa aton seguridad, may ara na kita sang direktiba sa Roxas City PNP, BPAT sa kabarangayan, CORE kag force multipliers nga mangin alerto, pasangkaron ang police visibility kag pagronda sa palibot sang syudad