Sinadya na sa TATC! Subong nga adlaw aton na gin-inagurahan kag ginpatigayon ang pag-blessing sa duha ka dalagkuan nga proyekto sa aton merkado publiko, ang TATC Meat and Poultry Section kag Bagsakan Center.
Ang barometro sang ekonomiya masukat naton sa TATC. Gani gintinguhaan ta ini nga makay-o kay amo ini ang ginapangita sang manugbaligya kag bumalakal.
Pagkatapos sang 42 ka tuig, amat-amat na ang maayo nga pagbag-o sang aton merkado. Organisado, manami, malimpyo, may maayo nga bentilasyon kag wala na nagatulo ang atop. Isa na lang ka lugar ang kaladtuan sang bumalakal.
May Bagsakan Center naman kita nga pagadiskargahan sang mga produkto halin sa nagkalain-lain nga lugar kag mahimu mangin pasalubong Center ukon baligyaan sang produkto sang kabarangayan.
Kaupod naton sa sining importante nga okasyon ang aton kasimanwa, anak ni anay Senator Mar Roxas nga si Paolo Roxas nga liwat nagpauli agud makig-upod sa aton Sinadya.
Salamat sa aton mga kaupdanan sa konseho kag sa bilog nga City Government nga katuwang naton sa pagpatuman sini nga proyekto. Labi sa tanan sa inyo nga pumoluyo sang syudad, kamo ang inspirasyon namon agud padayon nga magtrabaho sa paghatag katumanan sa aton handum nga Bigger, Better and Brighter Roxas City.
