Umpisada na sang 3 ka adlaw sang masadya nga selebrasyon sang Kaadlawan sang Roxas City. 73 anyos ang nakaligad sang gintukod ang gobierno sang syudad sadtong Mayo 12 tuig 1951.
Gin-umpisahan naton ang adlaw sa Misa sang Pagpasalamat sa Mahal nga Diyos sa iya grasya, pag-ubay kag paghigugma sa aton syudad. Opisyal naton nga ginbuksan ang selebrasyon kaupod ang aton mga opisyales sa syudad kag probinsya sa pagpamuno ni Governor Fredenil Oto Castro, aton kasimanwa nga si Paolo Roxas, ang great-grand son ni President Manuel Acuña Roxas sa diin ginhingalan ang Roxas City, mga Barangay Officials kag mga empleyado sang City Government.
Ululupod kita sa pagsaulog sang Roxas City Day nga puno sang pagpasalamat kag paglaum sa tanan nga may daku nga kontribusyon sa pag-umwad sang aton pinalangga nga syudad. Magbuligay kita sa pagtrabaho para matuman ang aton handum nga Bigger, Better and Brighter Roxas City.
