Nag-abot na ang tion nga aton ginahulat. Mahatagan na sang katumanan ang aton handum nga masolusyunan ang baha pinaagi sa pag-akad sang naganabaw nga suba bangud sa nagtipon nga basura nga samong sa hilway nga pag-agi sang tubig.
Salamat kay Governor Fredenil Oto Castro nga wala gid nagpamalibad sang aton ginhingyu nga makapatigayon sang Dredging/Desiltation sa Roxas City. Iya kita ginbuligan nga makahulam sang dredging machine sa DPWH.
Memorabli ini nga adlaw bangud subong ginlunsar na ang Desiltation Project sa Panay River sa Punta Barra nga una nga pagaakaran bangud ini ang guluwaan sang tubig halin sa Panay River. Kaupod ta sa Launching si Governor Oto Castro, DPWH Assistant Regional Director Jose Al Fruto, Vice Governor James Mitang Magbanua, Vice Mayor Inday Teresa Almalbis, katapo sang Sangguniang Panlungsod, Roxas City DepEd SDS Dr. Roel Bermejo, DPWH Capiz 1st Engineering District Engr. Cecil Laurence Cruz, BFAR , kag iban pa nga government agencies.
Napulo (10) ka barangay ang maagyan sang dredging operation halin sa bukana sang Barra pakadto sa Bato, Banica diretso sa Punta Cogon.
“Sang gagmay kami, sa kilid suba lang kami gapangisda damo na kuha pero subong bangud sa basura nagnabaw na ang suba, wala na.Nagapasalamat kami kay paagi sa dredging maluwas na kita sa baha, safe ang kabataan, magabalik naman siguro ang maayo nga panguha sang isda,” Sheryl Ortega, President Fisherfolks Association
