Antes ang pormal nga pagbukas sang aton pag-Sinadya aton ginhatagan tion ang pagpasidungog sa mga departamento sa City Government kag Barangay nga naghakot sang mga awards kag pagkilala halin sa nagkalain-lain nga ahensya bangud sa maayo nga performance.
Ini nga LGU Night pagpabatyag sang aton apresasyon sa daku nga kontribusyon sang aton mga katuwang sa pagtrabaho agud madul-ong ang pinakamaayo nga serbisyo sa pumoluyo kag matuman ang aton handum nga Bigger, Better and Brighter Roxas City.
Nangin mas masadya kag memorabli ini nga gab-i bangud nakaupod naton ang aton palangga nga kasimanwa nga padayon ang pagbulig sa Roxas City, former DILG Secretary Mar Roxas kag si Paolo Roxas, Governor Fredenil Oto Castro kag USWAG Ilonggo Partylist Representative Cong. Jojo Ang.
