SUPORTA PARA SA PAGPASAKOP SA KOMPETISYON KAG LIVELIHOOD ASSISTANCE
Ang City Government naghatag sang bulig sa aton mga kasimanwa nga magapasakup sa nagkalain-lain nga kompetisyon.
Naghatag kita sang bulig pinansyal sa Upod Kita E-Sports League sa pagpanguna ni Mr. Joses Calusay nga nagpasakup sa National Mobile Legends Tournament. Gintugyan ta man ang bulig sa kay Mr. Jouard Ang nga magapasakup sa 2nd IPSC Action Air World Championship.
Samtang duha ka mga taga Barangay Tanza ang aton ginhatagan sang bulig para magamit sa ila mga negosyo kag pangabuhianan. Ginbaton nanday Mary Cris Obligar kag Baby Quin Alaban ang Livelihood Assistance nga gintugyan ni CSWD Officer Perseus Cordova.
