Bilang Roxasnon daku nga bugal kag dungog gid para sa aton nga makaangkon sang kalidad nga graduates kag naga-Topnotcher pa sa Board Exam!
Kalipay ko nga makaupod subong nga hapon ang aton kasimanwa nga nag-Top 8 sa 2025 CPA Licensure Exam, si Ms. Rizza Mae Balasa. Gin-imbitahan naton siya upod ang iya mga proud parents nga sanday Nong Norman kag Nang Alma agud ipaabot ang pagpanginbulahan kag pagpasidungog sa iya nangin accomplishment.
Sa amon pag-istorya nabal-an ko ang mga kabudlay nga gin-agyan kag todo nga pagbakas ni Rizza kag sang iya ginikanan agud makatapos siya sa pagtuon asta nga nangin topnotcher sa isa sa pinakamabudlay nga board exam sa Pilipinas. Inspirasyon kamo sang tanan.
Congratulations, Rizza Baes Balasa, CPA!
Sa imo kaalam kag dedikasyon pat-ud namon ang mas masanag nga buas-damlag nga nagahulat sa imo kag sa imo pamilya.
-MAYOR RONNIE DADIVAS