Nagmeeting kami subong ni District Engineer Cecil Laurence Cruz upod sanday Assistant District Engineer Roy Pacanan kag Engr. Julius Abela sang DPWH Capiz 1st Engineering District angut sa mga proyekto nga ila igapatuman sa Roxas City.
Ginplastar nila subong sa akon ang mga proyekto nga nakaprograma nila nga ipatuman sa 2024. Akon ginhingyu sa ila ang posibilidad nga pag-reprogram sang pila nila ka proyekto kapareho sang nagadoble na nga multi-purpose hall pakadto sa mas mapuslanon kag kinahanglanon gid nga proyekto. Isa man sa akon ginrequest ang pagpahamtang sang access road sa Mongpong-Cogon kag Culajao subongman tulay nga magaangot sa Bato kag Banica.
Nalipay ako nga sa tagdumalahan ni Engr. Cruz gintinguhaan na nila nga mag-angkon sang koordinasyon sa syudad ang ila ahensya. Paagi sini pareho namon nga ma-identify ang mga proyekto nga importante sa pumoluyo kag barangay
-MAYOR RONNIE DADIVAS
