Nag-meeting kami subong nga aga ni Roxas City OIC Chief of Police PLTCOL Francisco Paguia kaupod ang mga officers sa nagkalain-lain nga dibisyon sang Roxas City Police Station.
Amon gin-istoryahan ang pagpasangkad sang kampanya agud mangin drug-cleared ang 47 ka kabarangayan, deployment sang kapulisan sa rice distribution, training sang mapilian nga police personnel sa SWAT kag ang pag-establisar sang Police Substation sa may Crisis Center sa Inzo para sa madasig nga pagresponde.
Aton man ginpasalig sa tagdumalahan ni PLTCOL Paguia ang bug-os nga suporta sang syudad sa mga importante nga kinahanglanon sa operasyon sang aton kapulisan.
