Ang ika-317 anyos nga selebrasyon sang Kapistahan sang Solemnidad sang Inmaculada Concepcion subong nga Disyembre 8 pinaka-importante nga adlaw sa simbahan Katolika diri sa Roxas City.
Kadungan sang Misa Pontifical ginhiwat ang sagrado nga Episcopal Coronation of the Immaculate Conception sa pagpanguna sang aton Arsobispo Most Rev. Victor B. Bendico, D.D.
Ang Episcopal Coronation ang pagkorona sa antigo nga imahen sang Mahal nga Birhen nga madugay na nga ginakadtuan kag ginadangpan sang mga deboto nga may dako nga bahin sa pagtuo. Ini pormal nga pagkilala sang lokal nga simbahan o diocese (Archdiocese) sa pagpamuno sang Obispo / Arsobispo sa importante kag historical nga papel sang Mahal nga Birhen sa aton kabuhi.
Tumalagsahon ini nga kahiwatan sa Roxas City Immaculate Conception Metropolitan Cathedral kag isa ka beses lang magaluntad. Sa pagbuot sang Mahal nga Diyos, ang masunod nga matabo amo na ang pinakamataas nga sahi sang Koronasyon, ini amo ang Canonical Coronation sa diin Santo Papa na mismo ang magahimu.
Upod Kita sa pag-Sinadya kag pagpangamuyo sa aton Mahal nga Birhen Maria.
Viva Sta. Maria! Sa Roxas City kita mag-Sinadya!
