Good news!
Maganami na ang aton Libas Fishing Port!
Ginakalipay ko nga ibalita sa inyo nga subong nga adlaw opisyal namon nga ginpirmahan ni PFDA Acting General Manager Atty. Glen A. Pangapalan ang Memorandum of Agreement sa tunga sang Roxas City Government kag Philippine Fisheries Development Authority para sa konstruksyon kag rehabilitasyon sang aton Roxas City Fishing Port sa Libas.
Ang PFDA nagpain sang pondo nga 100 million para sa pagpakaayo kag pagpanami sang aton fishing port. Kalakip sa proyekto nga ini ang konstruksyon kag repair sang mga trading halls, drainage system, water supply system, power and lighting distribution system, gate and perimeter fence, concreting of pavement, pagpahantang sang material recovery facility, sewage treatment facility kag iban pa nga kinahanglan agud mas mapanami kag mapaayo ang operasyon sang Libas Fishing Port.
Kaupod naton sa MOA Signing sanday PFDA Assistant General Manager Ms.Iris De Vera, CPMISD Chairperson IPCH Manager Ms.Gina Reyes, TSD Manager Engr. Danilo Axalan, OIC PMO Mr. Eric Sims, Legal Division Chief Atty. Jose Ruiz, TSD PPED Division Chief Engr. Darby Macabata, kag Division Chief-OSD-RMPOD Ms. Janet Manalo.
Ang aton team sa City Government ginabug-usan naman nanday CENRO Head Mr. Ronald Amigo, City Engineer Antonio Amoroso, City Government Assistant Department Head (CPDO) Arnold Alarcon, Fishing Port Supervisor Mr. Garret Ansel, CGADH Mr. Ike Arches kag RCCG Head Melvin Galagate.
-MAYOR RONNIE DADIVAS