GOOD NEWS!
Ginakalipay ko nga ipahibalo sa inyo ang maayo nga balita para sa Roxas City. Kadungan sang Valentines Day gintugyan na personal sa aton ni Department of Agriculture Secretary Francisco P. Tiu Laurel, Jr. ang No Objection Letter (NOL 1) para sa aton ginhingyu nga pag-establisar sang Roxas City Abattoir. Ini ginpatigayon kadungan sang ginhiwat nga RFFA/Fuel Subsidy Payout and Turn-over of DA Projects sa Iloilo Convention Center.
Ini napaidalum sa I-BUILD Component sang Philippine Rural Development Project PRDP Scale Up nga may kapin 76.3M nga pondo para sa rehabilitasyon kag pagpanami sang Slaughter House sang syudad nga madugay na naton ginahandum.
Bangud aton na nabaton ang No Objection Letter (NOL 1), makadiretso na kita sa procurement process kag aton nalang hulton ang igapapanaug nga pondo para maumpisahan gilayon ang implementasyon sang proyekto.
Salamat Department of Agriculture kag sa tanan nga katuwang naton nga nagbulig agud mabaton sang Roxas City ini nga grant.
Nakaupod ko kaina sa nasambit nga aktibidad sanday DA-RFO VI Regional Executive Director Dennis R. Arpia, Engr. Jose Albert A. Barrogo, Regional Technical Director for Operations, BFAR Region VI Director Remia Aparri, PFDA Iloilo Jovy M. Garrido and Justo Anaquita Jr. PFDA Harbor Market Operations Division Chief, Mr. Ronald Amigo, City Agriculturist Mary Ann Baria kag City Engineer Antonio Amoroso.
-MAYOR RONNIE DADIVAS