Ang madugay na nga handum sang taga-Olotayan labi na sang mga estudyante, manunudlo kag ginikanan nga makaangkon sang mabaskug nga internet connection ang Olotayan Integrated School natuman na! Salamat gid sa aton kasimanwa nga si Paolo Roxas sa iya pagpalangga kag pag-ulingag.
Bisan ari sila sa isla kag malayo sa syudad, nabatyagan nila nga wala sila ginapabay-an. Paagi sa proyekto ni Paolo Roxas KONEKTADO na ang Olotayan. Indi sila maulihi sa ila pagtuon, sa ila edukasyon nga yabe para sa masanag nga palaabuton.
Sa madasig nga paghulag ni Paolo nabutangan na sang internet connection ang Olotayan, Starlink pa! Ini ang ang ginahandum gid sang kadamuan.
Paolo, Salamat gid sa imo pag-ulingag sa aton kasimanwa!
