Ang Roxas City amo ang napilian nga mangin host sang Regional Heritage Summit 2023 sa Gerry Roxas Foundation kabahin sa selebrasyon sang National Heritage Month nga may tema “Padayon sang Palanublion.”
Ini ginapangunahan sang National Commission for Culture and the Arts katuwang ang Ang Panublion Museum kag ginasuportahan naman naton sa Roxas City Government.
Masobra 200 ka museologists, curators, managers, Cultural advocates, cultural workers, artists kag manunudlo sa bilog nga Western Visayas kag Luzon ang nagpasakup sa duha ka adlaw nga summit. Kabahin sa speakers sanday Professor Michael Charleston Xiao Chua, Dr. Harold Buenvenida, Fr. Dedert Duarte, kag Mr. Jose Nereo Lujan.
Importante ini nga aktibidad sa pagpreserbar kag madalum nga pagtuon sang manggaranon maduagon nga maragtas, legasiya kag natural nga palanublion sang aton pungsod, syudad kag probinsya.
Ginapanginbulahan ko man ang mga opisyales sang Western Visayas Association of Museums, Inc. nga nagsumpa subong sa pagpanguna sang ila Presidente kag kasimanwa naton nga si Panublio Museum Director Cheryl Anne del Rosario.
-MAYOR RONNIE DADIVAS
