TATC FISH SECTION BUKAS NA
Ginakalipay ko nga ibalita sa inyo nga subong nga adlaw BUKAS NA ang ginpakay-o kag gin-develop naton nga FISH SECTION sa TATC.
Matahum, malimpyo kag plastado nga baligyaan sang isda sa sulod merkado.
May kaugalingon pa ini nga CR kag sewerage system agud nga ang mahigku nga tubig halin sa hinugasan sang isda indi magdiretso sa suba.
Panugod pa lamang ini sang Redevelopment Program naton sa TATC madamo pa kita sang nakalinyada nga proyekto agud mapabugal man naton ang aton merkado.
Ginapasalamatan ko ang tanan nga nagtrabaho agud matuman ini nga handum halin sa tagdumalahan sang merkado sa pagpanguna ni Ms. Heloise Mendoza, City Engineers Office kag iban pa nga nagasuporta sini.
Nangin bisita man naton sa pagbukas fish section ang akon partner sa serbisyo nga si Nanay Vice Inday Teresa Almalbis upod ang aton mga konsehales Councilor Jp Arcenas, Councilor Paul Baticados, Councilor Trina Ignacio, Councilor Gary Potato, Councilor Cora Balgos-Tiangco, Doc Pip Acepcion, Kap Rey Magallanes, Alvin Balgos Tiangco, Bords Viterbo, Congressman Fredenil “Oto” Castro, Vice Governor Mitang Magbanua kag mga Board Members.
-MAYOR RONNIE DADIVAS
